مكونات الكمبيوتر - الجزء الأول - CPU & Mother Board

[

مرحبا كيف الجماعة , انشاء الله رح يكون هاد اول موضوع الي في المنتدى واتمنى اني اكون عند حسن ظنكم

CPU
الاسم الكامل : CENTRAL PROCCING UNIT
الوظيفة : معالجة البيانات ويعتبر عقل الجهاز او المخ (ما ختلفنا )
الانوع بالصور ( فقط بدي اشرح اجيال البينتوم )

Pentium 1


Pentium 2


Pentium 3


Pentium 4

والنوع الجديد عن طريق اللمس وهو مخصص للمذر بورد 915 / 925

كيف يتم التميز بين أجيال السي بي يو؟

عشان تميز بين اجيال السي بي يو شوف الرسم الي فوق بتلاحظ انو المعالج بينتيوم 1 بكون مكتوب عليه كلمة Pentium وبس , اما المعالج بينتيوم 2 بكون مكتوب عليه كلمة celeron لكن مش شرط كل معالج مكتوب عليه celeron بكون بنتيوم 2 , والمعالج بينتيوم 3 بكون مكتوب عليه PIII واخر شي المعالج بينتيوم 4 فهو نوعين الاول بكون كبير وبتركب على socket 423 والتاني على socket 478 وبتميز بينهم عن طريق النظر والجديد طبعا معروف ما الو سنان .

كيف ممكن تتعرف على سرعة المعالج ؟

ممكن تتعرف على سرعة المعالج عن طريق الكتابة الموجودة عليه وحتشوف 3 ارقام لكل رقم معنى .
الرقم الأول : سرعة المعالج
الرقم الثاني ك الكاش ميموري
الرقم الثالث ال BUS

والكاش ميموري هي عبارة عن ذاكرة إضافية بتكون موجودة على المعلج بتخزن فيها اكتر البرامج استخداما وكل ما زادت الكاش بتزيد سرعة الجهاز وكمان السعـ$$ـر ,
إذا كان الكاش للمعالج 128 بتسمى سيلرون وإذا كان 512 اسمو بكون فل كاش وإذا كان 1 جيجا ( مش متأكد ) بسموه دبل كاش
ملاحظة : ما بتقدر تركب معالج ال BUS تبعو 533 على مذربورد سرعتها 400 اما العكس ممكن وهاد الكلام لكل اجيال المعالج ...





MOTHER BOARD

الوظيفة : ربط جميع اجزاء الكمبيوتر مع بعضها البعض

مكوناتها :

1- cPU SOCkET :
وهي المنطقة المخصصة لتركيب المعالج بها , منها بتقدر تحدد جيل المذر .

وهناك عدة انواع :
socket 7

وتكون في البينتوم 1

---------------------
PGA 370

وهاي بتكون في ال بينتوم 2 و 3
---------------------
PGA 478

وبتكون للبينتيوم 4
- - - - - -
وظهر جديد نوع من السكوتيات في المزر بورد الجديدة 925/915 واسمها Socket LGA775
وهاي مش سنان بل باللمس وشوف الفرق كيف


وفي هناك غيرها كثير لكن هاد المشهور عنا ...
وهاي الأنواع من السوكت تسمى مسطح ولكن هناك انواع بتكون slot ظهرت في البنتيوم 2 و3


2- MEMORY BANkS :
الوظيفة : هي المنطقة المخصصة لتركيب الرام فيها . وبتكون موجودة في المذر بجانب سوكت السي بي يو

الأنواع :
- SIMM وهو اقدم بنوك الذاكرة وعادة بكون في ال مذر بينتوم 1 او اقل .


- SDRAM وظهر هذا النوع بعد السيمي ويستخدم في البينتوم 1 وما فوق وبتميز عن ما بعده بوجود فرزتين في المنتصف وعلى الجنب


- DDRAM وهاد النوع طلع جديد وما بيستخدم إلا في البنتوم 4
ما لقيت صورة بالنت موضحة.

- RDRAM وهاد النوع ظهر قبل الدي دي رام لكن هو الأفضل في نقل البيانات .


3 - SLOTs :

الوظيفة : هي المناطق المخصصة لتركيب الكروت بها (كرت شاشة , مودم , شبكة , الخ )
وفي 4 انواع منها

- ISA : وهو اقدم انواع السلوت واختفى من المذرات الحديثة لان سرعة نقل البيانات فيه بطيئة جدا ( لونه اسود وطويل , كما هو موضح بالصورة فالأسفل )


- PCI : ويعتبر هذا النوع من السلوت افضل الانواع الموجودة والأكثر استخداما لتركيب جميع انواع الكروت وسرعته عالية في نقل البيانات ( لونه ابيض )




- AGP : وهاد النوع مخصص لكروت الشاشة فقط (ولونه بني )


- AMR/CNR : وهاد النوع من السلوت مخصص للمودم فقط ( لونه بني صغير )



4- IO - CONTROLLERS

-مدخل الهادر دسك : وهو مكان مخصص لتركيب الهارد اوالسي دي , وكل مذر بكون عليها مدخلين فقط وممكن تركب فالمذر فقط 4 هاردات او سيديرومات ( نزل على غزة جديد وصلة بتحول من مدخل الهادر لليو اس بي يعني صار ممكن تشبك اكتر من 4 بكتير )

صورة المدخل بالون الأبيض والأزرق


- مدخل الفلوبي ديسك : وهو المكان المخصص لتركيب الفلوبي وبكون اصغر من مدخل الهارد كما هو موضح بالصورة فالأعلى (هو بالون الأسود)
وعشان تميز بين المدخلين الهارد الو 40 طرف اما الفلوبي الو 34 طرف .


- مدخل الطابعة LPT! وهو مخصص لتركيب الطابعة به


- مدخل الماوس : وهو المكان المخصص لتوصيل المواس به وهناك نوعان له
- الاول يسمى PS2


- والثاني يسمى SERIAL


- مدخل USB : ويستخدم هذا النواع لأكثر من جهاز مثل الطابعات والسكانار وفلاش دسك وغيرها




مدخل ال POWER : وهو المكان المخصص لتوصيل البور به مفي منو نوعين
- الأول ATX
- الثاني AT



ورح اشرح الفرق بينهم في موضوع تاني انشاء الله ,وبتمنى تكونو ستفدو من الشرح المختصر لمكونات المذر بورد والسي بي يو
والمرة الجاي حشرح البور سبلاي والبعض الكروت , وسامحونا لو نسينا او خربطنا بمعلومة

جميع الحقوق محفوظة :